D EREDUAREN ALDE EGIN DU NIZE-K

Otsailaren 6an Haur eta Lehen Hezkuntzan hasiko den aurrematrikulazio kanpainaren atarian, sare publikoko D ereduaren alde egin du NIZEk, Nafarroako Ikastetxeetako Zuzendarien Elkarteak. Publikoa ez ezik kalitatezko hezkuntza ere badela azpimarratu du NIZEko zuzendari Iñaki Anduezak, bai eta eleaniztuna ere, euskaratik abiatuta. Nafarroako D ereduko 59 ikastetxe publikok egiten dute bat NIZEn. Haur eta Lehen Hezkuntzako 8.000 ikasle dituzte.