Apirilaren 26an banatuko dituzte sariak, ohi bezala Gernikako bonbardaketa gogoratzeko ekitaldien inguruan.
"Bakearen eta demokraziaren aldeko konpromiso unibertsala" aitortu nahi dio Gernikako Udalak Barenboimi; eta "kultura eta artea gizateriaren ondare gisara defendatzea". 2008an Ramallahen (Zisjordania, Palestina) eman zuten kontzertu baten ostean, Israelgo eta Palestinako nazionalitate bikoitza onartu zuen aurreneko pertsona da, "herrien arteko bakearen" aldeko keinu bat eginez.
Malenori, berriz, migratzaileen defentsan egindako lanagatik emango diote saria; instituzioetan eta nazioarteko erakundeetan haien alde egindako lanagatik. Migratzaileen giza eskubideak aztertzeko lanak egin izan ditu, eta horiek bide eman diete pertsonen trafikoaren gaineko ikerketei.
