Daniel Dergi gose greban dago herenegun atxilotu zutenetik. Gardignan-eko espetxean dago (Frantzia), hara eraman zuten Agen-eko Auzitegian euroagindu eskaera jakinarazi ondoren.
Familiak ez du berarekin egoteko aukerarik izan. Euroagindua jakinarazteko epaitegira eraman zutenean bere bikotekideak Poliziaren ibilgailura hurbildu eta animo oihuak bota zizkion; Poliziak bortizki baztertu zuen.
Euroaginduaren eskaera datorren asteartean aztertuko dute; Yolanda Molina abokatuak jakinarazi du aske uzteko eskatuko dutela.
