Astelehenetik aurrera hasiko dira dirua jasotzen berrordainketarako laguntzen onuradunak. Orotara, 2,2 milioi euro bideratuko ditu horretara Osasun Sailak. Jaurlaritzak jakinarazi duenez, gora egin du eskaera kopuruak. Denera 81.946 jaso dituzte, horietatik gehienak Bizkaiatik (%58,13).
Eskaerak aurkeztu dituztenen artean, berriz, pentsiodunak dira gehiengo zabala (%93,75,) eta gainontzekoak (%6,25) langabezian dauden eta inolako laguntzarik jasotzen ez dutenak.
Bestalde, Osasun Sailak aurreratu du ekainaren 11tik zabalik dagoela laguntzak eskatzeko bigarren epealdia, eta abenduaren 10a arte luzatuko dela.
