DATORREN LARUNBATEAN, DONOSTIAN

Euskaraz Bizi Eguna eta manifestazio bat antolatu ditu datorren larunbaterako EHE Euskal Herrian Euskaraz taldeak. Donostian izango dira, eta han bertan egin zuten, atzo, parte hartzeko deia. EHEko kideek esan dute mugarria jartzeko asmoa dutela: «Sasi artetik jauzi egin, eta euskaldun izateaz harro gaudela erakusteko eguna izango dugu euskaldunok datorren larunbata». Ordurako, atxikimenduak biltzen ari dira; jadanik 2.000 lagunek baino gehiagok sinatu dute.