Bi galdera egin zizkion Fernandezek Quirogari: "Zer uste duzu pentsatzen dutela Lasaren eta Zabalaren senideek Rodriguez Galindok jasotako tratu pribilegiatuaz? Non geratzen da zigorrak osotasunean betetzea?". Fernandezek berak jakinarazi duenez, Quirogak erantzun zion Zuzenbide Estatuak funtzionatu egiten duela.
Egunkaria auziaren "legez kanpoko itxieraren" eta jasandako torturen "inpunitatearen" aurrean Martxelo Otamendi kazeta zenaren zuzendariak zer pentsatzen duen ere itaundu zion Fernandezek Quirogari. PPko buruzagiak erantzun zuenez, jakina da non zegoen Euskaldunon Egunkaria.
