Dbuseko gidarigaiek euskaraz derrigor jakiteko baldintza kentzea ebatzi zuen iazko udan Donostiako Epaitegiak, autobusa gidatzeko hizkuntza jakitea «beharrezkoa» ez zelakoan. Orain, EAEko Auzitegi Gorenak berretsi egin du erabakia, argudiatuta euskarako B2 titulua izateko baldintza jarri izanak deialdiaren oinarriak aldatzen dituela.
Behin-behineko lan poltsa osatzeko deialdiaren arabera, gidarigaiek ez zuten poltsan sartzeko aukerarik izango "bi hizkuntzetako batean hitz egiteko nahikoa gaitasun agertu ezean". Aldiz, 2008tik indarrean zegoen araudiaren arabera, nahikoa zen "idatzizko eta hitz egiteko maila ona izatea eta esaldi sinpleak osatzeko gai izatea". Hala, aldaketa bidegabea zela iritzita, helegitea jarri zuen UGT sindikatuak, eta orain arrazoi eman dio Auztegi Nagusiak.
