Diru bilketa egingo dute bihar Baionan eta Garazin, Martinen bermea ordaintzeko

Batasunak Aurore Martinen bermea ordaintzeko diru bilketa egingo dute bihar Baionan eta Donibane Garazin. "Herritarren bilketa masiboa" izango da, eta helburua 15.000 euroak biltzea da, helburu gisara, 300 pertsonek 50 euro ordaintzea izango da. Baionan Pyrénées ostatuan bilduko dute dirua, eta Donibane Garazin, Kalaka ostatuan, 09:00etatik 11:00etara. "Denen mobilizazioari esker Auroren askapena marrazten ari zaigu. Gizartearen mobilizazioari esker lortuko dugu fidantza ordaintzea eta Aurore bere senideekin ondoan izaitea", gaineratu du Batasunak.