Udalak egin duen kalkuluaren arabera, 4-4,45 milioi euro ordaindu beharko dituzte udalaren eta Kosta Departamentuaren artean, asteburuko denboraleak eragindako kalteak direla eta, baina hortik kanpo daude udalak kudeatu behar ez dituen hainbat leku eta orain arte sartzeko aukerarik izan ez duten lekuak. Kopurua handiagoa izango da.
Nabarmendu beharrekoak hauek dira: hondartzez eta zubiez gainera, Pasealeku Berriko horma eta Zurriolako kai muturra. Azken bi horiek Kosta Departamentuaren esku daude, eta udalak espero du "lehenbailehen" konpontzea, horiek babes garrantzitsuak direlako hiriarentzat.
Gipuzkoako Diputazioan, bihar
Gipuzkoako Foru Aldundiak ere erakundeen arteko bilera deitua du biharko, Foru Jauregian, 13:00etan: Erakunde bakoitzaren eskumenak aintzat hartuta zer egin daitekeen ikusiko dute. Asmoa da diputazioak, Jaurlaritzak eta Espainiako Gobernuak udalekin batera elkarlana bideratzea. Deitutako udalak hauek dira: Mutriku, Deba, Getaria, Zarautz, Zumaia, Orio, Donostia, Pasaia eta Hondarribia.
