Autoko ateak ireki, dozenatik gora lasto fardel lotu eta barruan sartu; eta aurrera. Fardelen garraiorako era kuriosoa asmatu du Elorrioko herritar batek, baina ez du iritsi nahi zuen lekura iristerik izan. Ertzaintzaren zirkulazio kontrol batean geldiarazi dute autoa, eta isuna jarri diote.
Zorrotza da auto arruntetan zama garraiatzeko araudia: zama autoaren atzealdetik soilik atera daiteke —zama zatiezina bada, autoaren luzeraren %10ean, eta %15ean zatitu badaiteke—. Autoa hustu, eta horien garraiorako ibilgailu egoki batean eraman dituzten lasto fardelak.
