Droga saltokia zelakoan, itxi egin dute taberna bat

BILBO. Udaltzaingoak itxi egin du Bilboko Zabalburu inguruko taberna bat, droga saltzeko lekua zelakoan. Bizilagunek jo zuten Poliziarenera; salatu zuten liskarrak maiz izaten zirela eta droga saltzeko erabiltzen zutela taberna. Zaintza lanak egin ostean, tabernara sartu ziren udaltzainak, eta droga atzeman zuten. Taberna itxi, eta jabea eta beste lagun bat atxilotu dituzte.