Drogarekin trafikatzen zuen talde bat atzeman dute

BILBO. Ertzaintzak zortzi lagun atxilotu ditu azken egunetan Bizkaian, kokainarekin trafikatzea egotzita. Ertzaintzaren arabera, talde bat osatzen zuten zortzi atxilotuek. Antza, Hego Ameriketatik Madrilera iristen zen droga, eta handik Bilbora. Atxilotuei bost kilo kokaina,haxixa, bi auto, bitxiak eta 40.000 euro atzeman dizkiete. Ertzaintzak emandako datuen arabera, Bilbon eta Barakaldon zituzten bi etxetan prestatzen zuten droga, eta ondoren banatzen zuten.