Politika
EAEko Auzitegi Nagusiak ez du Ibarretxeren kontrako kasua artxibatu
EAEko Auzitegi Nagusiak Juan Jose Ibarretxeko Eusko Jaurlaritzako lehendakariaren kontrako kasua ez artxibatzea erabaki du. Ibarretxe Batasunako kideekin bildu zen eta auzipetu egin zuten, Batasuna legez kanpokoa dela argudiatuta. Espainiako Gorenak artxibatu egin zuen gauza beragatik PSEko buruzagien kontrako abiatutako auzia.
Aldiz, Ibarretxeren kontrako auzibidearekin aurrera jarraitzea erabaki du EAEko Auzitegi Nagusiak, Gorenaren erabakia kasu honetan ez dela aplikagarria iritzita. Zibileko Salako magistratu Roberto Saizek auto baten bidez agertu du "alde nabariak" daudela Ibarretxeren kontrako kasuaren eta Gorenak bertan behera utzi zuen PSE-EEko buruzagiaren aurkakoaren artean: batetik, kasu batean zein bestean kereila jarri zutenen artean, eta, bestetik, egozten zaien delituetan.
Iruzkinak
Ez dago iruzkinik
Ordenatu
