Carlos Urkijo Espainiako Gobernuak EAE Euskal Autonomia Erkidegoan duen ordezkariak Juan Kalparsoro EAEko fiskal nagusiari jakinarazi zion Donostiak eta Gipuzkoak ez dutela "dolu ofiziala" bete. Hori hala, Kalparsorok diligentziak zabaldu ditu Martin Garitano Gipuzkoako ahaldun nagusiaren eta Juan Karlos Izagirre Donostiako alkatearen kontra.
Adolfo Suarez Espainaiko Gobernuko presidente izandakoaren heriotzagatik dolu ofiziala dekretatu zuen Espainiako Gobernuak. Dekretu horren arabera, martxoaren 24 eta 26 artean Espainiako eraikin publiko eta armadaren itsasontziek makila erdira jarri behar zuten Espainiako bandera.
Urkijok berak jakinarazi du fiskalaren erabakia. Halaber, azaldu du Kalparsorok diligentziak zabaldu dituela Udalbiltzaren kontra. Euskal herritartasuna jendaurrean adieraziko duen agiri ofizial bat ere sortu nahi du instituzio nazionalak, eta horren berri eman zion Urkijok Kalparsorori.
"Fiskalak zehaztu beharko du deliturik ba ote den bi kasuetan", azaldu du Urkijok.
