Euskal Autonomia Erkidegoko (EAE) biztanleen erdia pasatxo abiadura handiko trenaren (AHT) egitasmoaren alde dagoen arren, %66k aitortu dute ez daudela oso edo batere informatuta, Eusko Jaurlaritzaren inkesta batek dioenez. %31k adierazi dute AHTari buruz oso edo nahikoa informatuta daudela, baina %48k esan dute ez daudela oso informatuak eta %18k diote ez daudela batere informatuta.
Inkestan parte hartutako %55ek AHTaren aldeko jarrera erakutsi dute, %27k esan dute ez direla ez aldekoak eta ez kontrakoak, %10ek egitasmoaren kontrako iritzia azaldu dute, eta %8k ez dakite edo ez dute erantzun.
%70 pasak iritzi diote abiadura handiko trenak EAEko ekonomiarentzat eta hiru hiriburuetako bizi kalitatearentzat ondorio positiboak izango dituela. Ingurumenari dagokionez, %41k uste dute ondorioak "gehienbat negatiboak" izango direla eta %24k esan dute ondorioak "gehienbat positiboak" izango direla.
Jaurlaritzak 2016rako aurreikusten du AHTa Araba, Bizkaia eta Gipuzkoan egotea.
Inkestan mila lagunek hartu dute parte, guztiek ere telefono bidez.
