Ibone Bengoetxea Eudel EAEko udalen elkarteko lehendakariak jakinarazi du erkidegoko instituzioek Udal Legearen proiektuaren oinarriari buruzko akordiorako oinarria lortu dutela. Jaurlaritzak aurkeztu du proposamena, Euskadiko Udalen Kontseiluaren bileran, Gasteizen, eta hiru aldundiek eta Eudelek aztertu dute.
Alegazioak aurkezteko epea zabalduko da orain. EH Bilduk esan du udal guztien iritzia aintzat hartu behar dela Udal Legea egiteko. "Aurreproiektuaren lanketarako ez da hori gertatu. Udalen ordezkaritza bat eta bakarra izan da, eredu bat eta bakarrari erantzuten diona, hain zuzen ere: Eudelen zuzendaritzan daudenena. Ez da borondaterik izan haratago dauden ehunka udalen iritzirik jasotzeko".
Halaber, EH Bilduk ohartarazi du Udal Legea ezin dela izan "Madrildik datorren lege murriztailearen egokitzapen huts bat". Haren arabera, EAEko udalen eta tokiko entitateen "beharrei eta errealitateari erantzun" behar die, "autonomia handiagoa emanez edo zerbitzu publikoen pribatizaziorako jartzen ari diren oinarri eta irizpideak saihestuz".
