Politika
EAJ eta EA bakoitza bere kabuz aurkeztuko dira Espainiako hauteskunde orokorretara
Zenbait harreman izan ostean, datorren martxoko Espainiako hauteskunde orokorretara bakoitza bere kabuz aurkeztea erabaki dute EAJk eta EAk. Josu Jon Imaz EBB Euzkadi Buru Batzarreko lehendakariak eman du horren berri Bilbon: azaldu duenez, gaur goizean harremana izan dute EAko zuzendaritzarekin, eta alderdi horretatik jakinarazi diete jada erabakia dutela beren kasara aurkeztea.
Imazen arabera, EAJ "ahalegin guztiz" saiatu da EArekin hitzarmena lortzen: "Uste baitugu gure hautesleek halaxe eskatzen digutela, eta alderdi biek herri proiektu komunak defenditzen ditugula". Nolanahi ere, EAren erabakia guztiz errespetatzen duela azpimarratu du.
Iruzkinak
Ez dago iruzkinik
Ordenatu
