Les Bascos lesbiana, gay, transexual eta bisexualen elkartea Elita Edeh kanporatzearen aurka azaldu da. Ohar batean, elkarteak jakinarazi du gutun bat bidali diola Bernard Cazeneuve Frantziako Barne ministroari eskari hori eginez, eta Ipar Euskal Herriko hainbat parlamentarirekin izan dela auziaren berri izan dezaten.
Elkarteak azaldu du harreman homosexualak legez kanpokoak direla Nigerian eta hamar-hamalau urte bitarteko espetxealdiarekin zigortuta daudela. 2014an onartutako lege baten arabera ezarri dituzte zigor horiek Nigerian, eta elkarteak gogorarazi du Frantziak kezka adierazi zuela lege horren aurrean.
