Edurne Brouardek (Bilbo, 1959) utzi egin du Korrikaren arduradun nagusi postua. AEK-k ohar baten bidez jakinarazi du datorren urritik aurrera Asier Amondok hartuko duela euskararen aldeko lasterketaren ardura. Aurten egin dute 18. Korrika, eta datorren urtean ez da, beraz, lasterketa izango. Amondoren ardurapeko lehen lasterketa 2015ekoa izango da.
Brouardek urteak eman ditu Korrikari lotuta. Bigarren ekitaldian hasi zen antolakuntza lanetan, eta azken sei aldien arduradun nagusia izan da.
