1.225.000 euro banatu dizkiete, hitzarmen bidez, Seaskari (380.000 euro), Euskal Haziak elkarteari (20.000 euro), Ikas Biri (30.000 euro), Biga Bairi (15.000 euro), AEKri (320.000 euro), Bertsularien Lagunei (55.000 euro), Uda Lekuri (145.000 euro) eta Euskal Irratiei (285.000 euro). Beste 350.000 euroak proiektu deialdien bidez banatu dituzte. Adibidez, Ipar Euskal Herriko Hitza-k 24.000 euro jaso ditu.
Horren berri eman dute goiz honetan Baionan egin prentsaurrekoan. Frantxua Maitia EEPko presidenteak eta Patxi Baztarrika Galparsoro Hizkuntza Politikarako sailburuordeak hartu dute hitza. Euskararentzako lege babesa beharrezkotzat jo dute biek.
Eusko Jaularitzak 400.000 euro eman izana eskertu du Maitiak. “Badu ibilbide bat euskararen sustapenaren aldeko mugaz gaindiko lankidetza instituzional honek, eta guretzat pozgarria da egiaztatzea lankidetza honen oinarriek tinko jarraitzen dutela”, Baztarrika Galparsororen hitzetan.
