Joseba Egibar EAJko Gipuzku Buru Batzarreko presidenteak uste du asteleheneko Donostiako Nazioarteko Konferentzia oso garrantzitsua izango dela. "Izan ere, ETAri behingoz bukatzeko esango zaio, eta ETAk datozen egunetan erantzun egin beharko du".
Iñigo Urkullu EAJko Euzkadi Buru Batzarreko (EEB) lehendakariak ostegunean esan zuen ETAk azaroaren 20ko Espainiako hauteskundeak baino lehen "behin betiko amaiera" iragarriko duen adierazpena aterako duela, baina horrek ez duela esan nahiko desegin egingo denik.
Rodolfo Ares (PSE-EE) Eusko Jaurlaritzako Herrizaingo sailburuak gaur adierazi du konferentziak "ETAri modu argian eta irmoan jarduera terrorista oro" uzteko exijitu beharko liokeela. "Zorte ona" opa die antolatzaileei.
