Egiguren: «Mendeku politikoagatik dago espetxean Otegi»

Jesus Egiguren PSE-EEko presidentearen iritziz, Arnaldo Otegi «mendeku politikoagatik» dago espetxean. Egiguren ETB1eko Bisitaria saioan izan da, eta elkarrizketaren aurrerapena eman dute Eitb.com webgunean. Elkarrizketa Txilarre baserrian egin dute; han bildu ziren Egiguren eta Otegi 2006ko bake prozesua prestatzeko. Elkarrizketan, Egigurenek dio berak ez duela «gorrotorik» sentitzen presoekiko eta ez duela barkamena eskatzerik nahi: «Damutzen badira, barruan eramango dute; ez du inporta esaten duten ala ez». Era berean, esan du Euskal Herrian ez dela adiskidetze arazorik izango, eta adierazi du Loiolako negoziazioak ETAko kide Xabier Lopez Peñak hautsi zituela.