Itxaropen izpi bat piztu zitzaien Hodei Egiluzen gurasoei atzo, Anbereseko (Flandria) Polizia "ona izan daitekeen" arrasto berri baten atzetik baitabil. Bruselan bildu ziren atzo Egiluzen gurasoak Joaquin Almunia Europako Batzordeko presidenteordearekin: Pablo Egiluz desagertutako gaztearen aitaren arabera, Almuniak "elkarlana eta erakundeen babesa" eskaini zien.
Poliziaren ikerketaz, berriz, Egiluzek uste du "ahalegin handia" egiten ari dela gaztea topatzeko, baina "baliabide falta" antzeman du, eta ikerketa "gehiegi" luzatzen ari dela esan zuen.
