Bilbon eginiko agerraldi batean, Sortuko presidente eta EH Bilduko legebiltzarkide Hasier Arraizek adierazi du koalizioak parte hartuko duela biktimen aitortza eta erreparaziorako "edozein dinamika eraikitzaile eta barneratzailetan", eta horretarako "behar denerako" prest azaldu da.
Iñigo Urkullu Eusko Jaurlaritzako lehendakariak 128 alkaterekin egingo duen topaketan EH Bildukoek parte hartzeko "erabaki politikoa" hartu du koalizioak, Arraizen hitzetan.
