Jose Maria Iruarrizaga Bizkaiko Ogasun diputatuari buruz hainbat albiste atera ditu Gara egunkariak azken egunotan, eta, horren harira, azalpenak eskatu dizkio EH Bilduk Bizkaiko Diputazioari. Izan ere, artikulu horietan Iruarrizagak hainbat enpresa pribaturekin dituen harremanak azaltzen dira.
Gaur argitara eman duen informazioaren arabera, Igurco Gesion SL enpresan ahaldun kargua du oraindik Ogasun diputatuak. Enpresa horrek hainbat lan egin ditu Bizkaiko Diputazioarentzat. Joan den astean, Urazca eraikuntza enpresan ardura postuak izan zituela argitaratu zuten.
Informazio horiek konfirmatuz gero, EH Bilduren ustez diputatuak urratu egingo luke bateraezintasun legea.
