Euskaldunon aurkako erasorik ez! Euskarari lehentasuna lelopean egin dute elkarretaratzea. Atzo Gipuzkoako Foru Aldundiak eta egitasmoaren parte diren gainontzeko erakunde publikoek babesa eta elkartasuna azaldu zieten Lezoko eta Anoetako udalei. Euskara sustatzeko 39 erakunde publikok hartutako erabakiek legea urratu dutelakoan egin du estatuak bi udal horien aurka. Horri erantzunez, Gipuzkoako Diputazioko Euskara zuzendari Zigor Etxeburuak esan du proiektuaren hasieratik abokatuekin elkarlanean aritu direla eta guztiz zilegi dela egin dutena: "Ziurtasun juridikoa izan dugu beti oinarri".
"Halako eraso makur baten aurrean euskaltzaleok ez gara espaloitik jaitsiko, eta erantzuten jarraituko dugu. Ez guztiok, ordea. Non dago Hizkuntza Politikarako sailburuordea? Non? Zertan ari da Baztarrika jauna euskaldunon aurkako eraso eta mehatxuak etengabeak diren honetan? Euskaldunon menpekotasunean oinarritzen al da hainbestetan aldarrikatzen duen elkarbizitza?", dago idatzita Euskal Herrian Euskaraz-en webgunean.
