Jaurlaritzak joan den astean erabaki zuen azokak debekatzea, jendearen joan-etorriak eta pilaketak eragozteko argudioarekin, baina neurri horrek kontrako erreakzio ugari jaso zituen, eta gobernuak atzera egin zuen.
Azken erabaki horrekin «oso pozik» azaldu da EHKOlektiboa, agroekologia lantzen eta bultzatzen duen baserritar eta herritarren kolektiboa: «Lehen sektoreko eragile nagusienen eta beste hainbat herri eragileren (300 baino gehiago) arteko elkarlanarekin erakutsi dugu baserritarrek eta kaletarrek komunitate bat osatzen dugula eta badakigula zer nahi dugun, edo, behinik behin, zeren alde borrokatu nahi dugun».
Ohar batean, nabarmendu dute erosketa bakoitzaren atzean «herri eredu jakin baten aukeraketa» dagoela: «Aukeratzen da ekoizpen eredua, harremanak izateko eredua, paisaia, eredu ekonomikoa… Merkatuak eta azokak babesten ditugunok baserritarrak ari gara babesten, euren lanari duen balioa ematen diogun neurrian, besteak beste prezio justu bat ordainduta». Era berean, uste dute ekoizleen, dendari txikien eta kontsumitzaileen arteko elkarlana «eraginkorra» izan dela.
👩ðŸ¾ðŸŒ¾ðŸ¤ÂÂÂðŸ½ðŸ‘¨ðŸ¿ðŸŒ¾ðŸ’ªðŸ¾ðŸ‘¨ðŸ¼ðŸŒ¾âœŠðŸ½ðŸ‘©ðŸ½ðŸŒ¾ðŸ¤²ðŸ¿ðŸ‘¨ðŸ½ðŸŒ¾ðŸ‘‹ðŸ½ðŸ‘©ðŸ»ðŸŒ¾
— EHKO (@EHKOlektiboa) 2020(e)ko apirilaren 17(a)
📆Gaur A17a Baserritar Borrokaren Mundu eguna dela aprobetxatuz, baserritar txikien eta gertuko kontsumoaren aldeko aldarria egin nahi dugu.#GeraZaitezEtxeanEzIsilikpic.twitter.com/NHwvbMiKTC
Edozein modura, uste dute oraindik bide luzea dagoela egiteko, eta, gaur Baserritarren Borrokaren Nazioarteko Eguna dela baliatuz, herritarrei eskatu diete baserritar txikien eta gertuko kontsumoaren aldeko aldarria egiteko eta sareetan babesa emateko; esaterako, argazki bat atereaz azoketan edo denda txikietan tokiko produktuak erosita, eta argazki horrekin mezu bat jarrita: Elikadura burujabetzaren alde erosten dugu leloa eta Via Campesinak proposatzen duen traola (#GeraZaitezEtxeanEzIsilik) .
