Norberak bere sexualitatea diskriminaziorik gabe bizitzeko eskubidea aldarrikatzeko eta emazteak beren gorputzaren jabe direla oroitarazteko elkarretaratzea egin dute Miarritzen, Lapurdin. Hain zuzen, bi ideia horiek zalantzan jartzen dituztenak bilduko direlako, Biziaren Aldeko Nazioarteko Topaketen kari. Marc Aillet Baionako Elizbarrutiko apezpikua da bilkuraren antolatzaile. "Kontzebitzetik hiltze naturaleraino, biziaren balioa, biziaren osotasuna, biziaren bortxaezintasuna sustatu behar dugu", apezpikuak dioenez.
800 lagun inguru bildu dira elkarretaratzera, antolatzaileen arabera. Talde feministak, gay, lesbiana, bisexual eta transexualen elkarteak, alderdi politikoak, antifaxistak... Deiarekin bat egin dute hogeita hamar bat egiturek.. Hautetsiak ere bertaratu dira, besteak beste, Sylviane Alaux eta Colette Capdevielle diputatuak.
Talde feministak, gay, lesbiana, bisexual eta transexualen elkarteak, alderdi politikoak, antifaxistak... Deiarekin bat egin dute 30 egiturek. Kolektiboaren aurkezpena egin zuten atzo Baionan, prentsaurreko bidez. "Ikustearekin zein hizlari mota etorriko zen, zerbait egitea erabaki genuen... Lobby-en erasoaldiez ez konturatzea izanen zen ezer ez antolatzea", azaldu zuen Michele Bertier Planning Familial taldeko ordezkariak elkarretaratzea antolatu duen kolektiboaren aurkezpenean.
