Eibarren bizilagun batzuen arteko tiroketan haietako bat hil egin da

13:10 aldera bizilagunen arteko tiroketa izan da Eibarren (Gipuzkoa), Etxeberria kalean, eta lagun bat hil egin da. Hango herritar batek BERRIA.INFOri adierazi dionez, "ijitoen arteko liskarra" izan da. "Lehendabizi borroka izan dute, makilekin-eta, eta gero haietako bat etxera joan da eta arma hartu du". Gizonezkoa da hildakoa.

Beste pertsona bat larri zauritu da, eta anbulantzian eraman dute. Beste bi pertsona ere zaurituta daude. Hirurek ere tiroak jaso dituzte, eta haietako bat emakumezkoa da. Hau Donostiako Ospitalera eraman dute, eta beste biak Mendarokora (Gipuzkoa).

Ertzaintzak ustezko hiltzailea atxilotu du.

Bizilagunak kalean ez ibiltzeko ohartarazi dituzte ertzainek hasieran. Oraindik itxita dute karrika.