Bizkaira itzuliko da aurten Euskal Eskola Publikoaren aldeko jaia: Balmasedan egingo dute, ekainaren 1ean. Mendia ikastetxeak antolatuta, Gorantz goaz, GO GO! leloa izango du; horren bidez, sistema publikoa gorantz gogoz doala irudikatu nahi dute, EHIGEko presidente Carlos Lopezek azaldu duenez: “Urtetik urtera, gure eredua aukeratzen duten familien kopuruak gora egiten du, horregatik behar ditugu azpiegitura gehiago”.
Enkarterrian euskararen irakaskuntza eta erabilera indartzea da festa Balmasedara eramateko beste arrazoietako bat: “Ikasleen bi heren sare publikoan euskaldundu ditugu”. Gaur Bilbon egindako aurkezpenean aurreratu dutenez, Siroka taldea ari da jairako abestia prestatzen, Aitor Urrutia bertsolariaren hitzak baliatuz.
Gizartea
Ekainaren 1ean egingo dute Euskal Eskola Publikoaren aldeko 23. jaia, Balmasedan
Enkarterrian euskara indartzea da festa bertara eramateko helburuetako bat.
Iruzkinak
Ez dago iruzkinik
Ordenatu
