Ekimena amaitzean ebatziko dute Haur Etxeen etorkizuna

Haur Etxeen egitasmoa 2012 amaieran bukatuko da, eta orduan aztertuko du Eusko Jaurlaritzak egitasmoarekin jarraitu edo ez. Eusko Legebiltzarrean hitz egin zuen atzo Isabel Zelaa Eusko Jaurlaritzako Hezkuntza sailburuak, eta, jakinarazi zuenez, Jaurlaritzak ez du espero egitasmoarekin jarraitzea. 0 eta 3 urte bitarteko umeak haur eskoletara eramatea da Jaurlaritzaren asmoa, Zelaaren arabera. Haur Etxeen ekimena iaz abiatu zuten; EAko legebiltzarkide Juanjo Agirrezabalaren iritziz, egitasmoa urtebetera amaitutzat jotzeak agerian uzten du Jaurlaritza «alderoka» dabilela. Programa bertan behera uztearekin bat dator Agirrezabala, baina Jaurlaritza «inprobisatzen» ari dela uste du.