ELAko bi kide -Egoitz Iturbe Deba bailarako idazkaria eta Batzorde Nazionaleko kidea, eta beste militante bat- ordu eta erdiz kontrol batean atxikita eduki ditu Guardia Zibilak, "armen jomugan jarrita". Joaten utzi aurretik, sindikatu barneko agiriak kendu dizkietela salatu du ELAk, besteak beste, agintaritza batzordeetako bileren informazioa jasotzen dutenak.
Espainiako Gobernuaren Gipuzkoako Ordezkaritzaordetzak baieztatu egin dio Efe-ri kontrol batean zenbait agiri eskuratu dituztela, eta "diligentziak" abiatu dituztela erantsi.
"Terrorismoaren kontra aritzearen aitzakiarekin" pertsonen eskubide eta askatasunen kontra jokatzen duela salatu du ELAk, "baita kasu honetan bezala sindikatu askatasunaren kontra".
ELAko barne agiriak kendu dizkie Guardia Zibilak sindikatuko bi kideri
Ordu eta erdiz kontrol batean eduki dituzte A-8 autopistan, Eibar (Gipuzkoa) parean.
Iruzkinak
Ez dago iruzkinik
Ordenatu
