Mikel Irizarrek bete du azkeneko bi urteetan Topaguneko lehendakari kargua, eta gaur eman dio Lakari lekukoa. Euskalgintzari lotuta egon da Laka 1990eko hamarkadaren hasieratik. Eibarko ...eta kitto euskara elkartearen sorreran parte hartu zuen, baita Topagunea sortzeko lehen mugimenduetan ere. Eibarko elkarteko lehendakaria ere izana da. Topagunearen bidea ondo ezagutzen du, bost urtez zuzendaritza batzordeko kidea izan baita. Ogibidez abokatua da.
Lehendakari berria izendatzeaz gain, zuzendaritza batzordeko lau kide aldatu ditu Topaguneak. Bazkide berri bat ere onartu dute: Etxebarriko (Bizkaia) Arpela euskaltzaleen topagunea.
