Lan istripua
Elkarretaratzea egin dute Urnietan, eraikuntzan ari zen langile baten heriotza salatzeko
Gaur zortzi langile bat hil zen Urnietan (Gipuzkoa), eraikitzen ari ziren etxeko bosgarren solairutik amilduta. Heriotza hori salatzeko elkarretaratzea egin dute 40 bat lagunek istripua gertatu zen lekuan. ELA, LAB, ESK eta EILAS sindikatuek antolatu dute protesta.
Ordu erdiz egon dira ezbeharra jazo zen lekuan hildako langilearen lankideak eta sindikatuetako ordezkariak, isilean, 'Beste lan istripurik ez' jartzen zuen pankartaren atzean. Elkarretaratzea amaitzeko idatzi bat irakurri dute, eta, besteak beste, eraikuntzaren sektorean beste arloetan baino lan istripu gehiago gertatzen direla salatu dute.
Iruzkinak
Ez dago iruzkinik
Ordenatu
