SOS Arrazakeriak jakinarazi duenez, 30 bat lagun atxilotu zituzten atzo Espainiako poliziek, baina haietako asko libre laga behar izan dituzte. "Jendea atxilotu zuten bereizketarik egin gabe, eta eraman zituztenetako askok araututa zuten beren egoera, edo tramitatzen ari ziren", nabarmendu du.
Atzoko gertaerez gaindi, SOS Arrazakeriak uste du errotiko aldaketa behar dela etorkinen gaian. "Inmigrazio politiken errotiko aldaketa behar da, pertsona guztien eskubide berdintasunean oinarri daitezen. Atzerritarren lege guztiak abolitu behar dira, eta ekintza arrazista eta xenofoboak debekatuko dituen gizarte justuago bat eraiki behar da", agertu dute.
Etorkinak
Elkarretaratzea egingo dute Bilbon, etorkinen kontrako atzoko sarekada salatzeko
SOS Arrazakeria elkarteak antolatuta, elkarretaratzea egingo da gaur arratseko 20:00etan Bilbon, Moyua plazan, Espainiako Poliziak atzo hainbat etorkinen aurka egin zuen sarekada salatzeko. Izan ere, paperik gabeko hainbat etorkin atzeman zituzten San Frantzisko auzoan polizia talde handi batek. SOS Arrazakeriaren iduriko, PPren "agur esateko zoritxarreko modua" izan zen atzoko operazioa.
Iruzkinak
Ez dago iruzkinik
Ordenatu
