Elkarrizketak hasteko eskatu dio ELAk Espainiako Gobernuari

Gatazka konpontzeko elkarrizketak hasteko eskatu dio ELAk Espainiako Gobernuari. Sindikatuaren iritziz, presoen egoerari heldu beharko lioke lehenik, eta bertan behera utzi orain arteko espetxe politika. Komunikabideetara igorritako ohar batean, ELAk bat egin du euskal presoen eskubideen alde urtarrilaren 7an Bilbon egingo den manifestazioarekin. CNT sindikatuak ere dei egin du ekimenean parte hartzera. Halaber, Ipar Euskal Herriko hainbat eragilek ere agertu dute euren babesa: AB eta NPA alderdiek, Anai Artea elkarteak eta Bizi mugimenduak, besteak beste. 10.000 milatik gora atxikimendu jaso ditu ekimenak.