Aske Gunea babesa agertzeko tokia izatea nahi zuten zigortutako gazteek, eta halaxe izaten ari da. Pasa den asteartean Bulebarrean martxan jarri zutenetik gero eta gehiago izan dira gazteei elkartasuna adierazteko hara batu direnak.
Goizeko bederatzietatik arratsaldeko zortziak arte egoten dira han gazteak, eta hamaika ekitaldi egin dituzte dagoeneko: tailerrak, antzerkia, musika...
Han hasi eta amaitu zen larunbatean auzipetuei babesa emateko manifestazioa; milaka herritarrek gazteekiko "konpromisoa" agertu zuten.
