Elorza: «Ibilbide luzeagoa izan dezake akordio honek»

Radio Euskadin eginiko elkarrizketa batean, Odon Elorza diputatu sozialista kezkatuta azaldu da EAJk eta Bilduk Gipuzkoan erdietsi duten akordioarekin. Haren ustez, «ibilbide luzeagoa» izan dezake harreman horrek, eta beste instituzio batzuetara zabaldu daitekeela ohartarazi du. «Egibarrek Bilduren gobernua errespetatu zuenean, aurrekontuak laguntzeko estrategia eta bestegauza batzuk sartu zituen hor». Elorzarentzat, baina, «arraroa» izan da EAJren erabakia, zabor bilketaren gaian bereziki agertu duen jarrerarengatik. «Ez dut ulertzen. Edo Bilduk garrantzi handikoa den [atez ateko] sistemaren estrategia aldatzen du, edo EAJk gauza gutxigatik onartu ditu aurrekontuak».