Elurrak arazo handiak sortu ditu goizeko lehen orduan Etxegarateko mendatean. Ertzaintzak eta foruzainek itxi egin dute: batetik, elurra kentzeko makina pasa zedin, eta, bestetik, zenbait istripu txiki gertatu direlako. Horietako batean, kamioi bat errepidean zeharka geratu da.
Ondorioz, auto ilarak sortzen hasi dira Nafarroatik Gipuzkoarako noranzkoan. Dena den, gerora errepidea irekitzeko moduan izan dira, eta une honetan, Etxegarateko mendatea libre dago. Hala ere, pilaketak ez dira guztiz amaitu. Kamioiak A-15 autobidetik ari dira bideratzen Ertzaintza eta foruzainak.
A-15ean ere izan dira arazo batzuk, baina txikiagoak. Zehazki, kamioi bat errepidean gurutzatuta geratu da Lekunberri inguruan, baina trafikoa eten beharrik ez da egon.
Elurra eginagatik, Hego Euskal Herriko errepide sare nagusiko mendateak irekita daude, eta ez dago problema handiegirik.
Errepideak
Elurra dela eta, arazoak sotu dira Etxegarateko mendatean
Azken orduotan elurra itzuli da berriro Euskal Herrira, eta arazoak sortu ditu zenbait lekutan. Handienak Nafarroa eta Gipuzkoa arteko Etxegarateko mendatean izan dira; hain zuzen ere, ibilgailu pilaketa handiak gertatu dira N-1 errepidean, pare horretan, elurraren eta istripu txikien ondorioz. Une batean, errepide hori etenda egonda. Une honetan irekita dago, baina ilarak direla-eta kamioiak A-15 errepidera bideratzen ari dira Ertzaintza eta Foruzaingoa.
Iruzkinak
Ez dago iruzkinik
Ordenatu
