Iragarrita zegoen moduan euria eta elurra ari du gaur Euskal Herriko hainbat lekutan. Elur maila 800-600 metrotan dago eta besteak beste, Araban Altube, Legutio, Bernedo, Opakua, Orduña mendateetan, Nafarroan Sakana inguruan eta Gipuzkoa eta Nafarroa arteko A-15 errepidean eta Etxegaraten (Giopuzkoa) elurra mara-mara ari du. Gaur goizean Gasteizen eta Iruñean ere zuritu duela adierazi dute meteorologia zerbitzuek.
Tenperaturak ere behera egin dute eta negu giroa dago gaur zazpi hiriburuetan. Gaur goizean Gasteizen gradu bat zegoen, Iruñean hiru, Donostian bost eta Bilbon, Baionan, Maulen eta Donibane Garazin sei.
Elurra eta euriaz gain, haizea ere gogor ari da astintzen. Araba, Bizkaia eta Gipuzkoan alerta horia jarri dute 80 kilometro orduko abiadurako haizeteak espero direlako.
eguraldia
Elurra heldu da Euskal Herrira
Araban Altube, Legutio, Bernedo, Opakua, Orduña mendateetan, Nafarroan Sakana inguruan eta Gipuzkoa eta Nafarroa arteko A-15 errepidean elurra ari du. Elur maila 800-600 metrotan dago.
Iruzkinak
Ez dago iruzkinik
Ordenatu
