Urduña eta Herrera mendateak itxi dituzte kamioientzat, eta gainerako ibilgailuek kateak edo neguko gurpilak erabili behar dituzte. Jaurlaritzako Trafiko Zuzendaritzaren arabera, Azazeta eta Opakuan ere beharrezkoa da kateak erabiltzea. Arretaz gidatzea gomendatu du, berriz, Barrenilla, Etzegarate, Bernedo eta Doneperain.
Nafarroan, Belaguako mendateko errepidea, NA-137, itxita dago 47 kilometrotik aurrera, elurragatik. Done Mikel Aralarko errepidean (NA-7510) kateak erabiltzea beharrezkoa da, Baraibartik aurrera. Gainerako errepideetan ez dago arazorik, Nafarroako Gobernuaren arabera.
