Atzo 18:00etan izan ziren gertakariak Senpereko (Lapurdi) Kantia auzoan. 'Kazeta.info' atariak jakinarazi duenez, andre bat bere alaba hiltzen saiatu zen, soka batekin itoz. Herritar batek neska konorterik gabe ikusi zuen, bide bazterrean, eta berehala eman zuen abisua larrialdi zerbitzuetan. Haurra Baionako ospitalera eraman zuten, eta pediatria zerbitzuan da ordutik. Jendarmeek emakumea atxilotu zuten.
Pierre-Marie Nousbaum Senpereko auzapezak esan duenez, ama zein alaba ez dira Senperekoak.
