Atzo gauean Maulen izan den sute batean, 41 urteko andre bat hil da. Suhiltzaileak 20:22an deituak izan ziren barda, Mauleko Sponde karrikako apartamentu batean sute bat bazelakoan. Mauleko, Oloroeko (Okzitania) eta Nabarrengoseko (Okzitania) suhiltzaileek parte hartu zuten sua itzaltzeko lanetan, eta Donapaleuko (Baxenabarre) eta Nabarrengoseko bi anbulantzia ere deituak izan ziren.
Auzoko bi pertsona Donapaleuko klinikara eraman zituzten, keak eragindako kalteengatik.
