Indarkeria zantzuak dituen emakume baten gorpua aurkitu dute gaur Beriainen, Morea aintziran, 07:40an, Nafarroako Gobernuak jakinarazi duenez. Paseoan zebilen gizonezko batek topatu du gorpua.
Gobernuak dio oraindik ez dakitela zein den emakumezkoa. Gorpuari autopsia egingo diote, identifikatzeko.
Udaltzaingoak eta Iruñeko Auzitegiak ekin diote ikerketari. Alberto Catalan Gobernuko bozeramaileak esan du ez dutela oraingoz inolako hipotesirik baztertzen.
