Emakume baten gorpua aurkitu dute gaur goizean Murchanten (Nafarroa), auto baten atzealdean, Nafarroako Gobernuak jakinarazi duenez. Foruzaingoak BERRIAri adierazi dionez, suizidioa da hipotesi nagusia. Gorpuak ez du indarkeria zantzurik.
Autoa gaizki aparkatuta zegoen, eta foruzainak hura kentzera bertaratu direnean aurkitu dute gorpua. Medikua eta epailea bertaratu dira, gorpua jasotzeko agindua emateko.
