Asteazkenean Basurtuko parke batean ukituak egin zizkion gizonezko batek emakumezko bati. Lekuko batek atzetik jarraitu zion erasotzaileari, hura ihesean zihoala, eta argazkia atera zion. Atzo, Ertzaintzak atxilotu egin zuen gizonezkoa, 33 urtekoa.
Bilboko Udalak agiri instituzionala kaleratu du gaur erasoa salatzeko, eta babesa eskaini dio erasoa jasan zuen emakumezkoari.
"Emakumeak errespetatzen ez dituen edozein jarrera" salatzen duela ohartarazi du udalak, "keinuak, jarrera matxistak edota muturreko erasoak". Halakoen aurrean aktibo izateko eskatu die herritarrei, "salatuz eta ez onartuz".
Erasoa salatzeko mobilizazioetan parte hartuko duela jakinarazi du.
