Kurdistanekin Elkartasun Ekimena taldeak Twitter bidez zabaldu dituen bideotan ikus daitekeenez, emakume talde bat Bilboko Iberdrola dorrera sartu da, Turkiak Kurdistanen kontra egin duen azken erasoaldia salatzeko. Iberdrolaren segurtasun pribatuko zerbitzuek bultzaka eta tiraka kanporatu ditu dorrera sartu diren emakumeak. Pankarta batekin kanpoan zegoen beste talde bati, berriz, eraikinean sartzea galarazi dio.
🛑 EKINTZA ZUZENA I Emakume talde batek Ibedrola dorrean salatu du multinazionalak duen harremana Turkiarekin eta estatu horren erasoa Rojavaren aurka.@berria@GotzonH@BilbokoBf@Askapena@Komiteak@uriolaeus@bilbohiria@naiz_bilbotarra@argiapic.twitter.com/rvb6ubg8O3
— Kurdistanekin Elkartasun Ekimena (@Kurdistanekin1) October 30, 2019
Kurdistanekin Elkartasun Ekimenak adierazi duenez, emakume taldeak Iberdrolaren eta Turkiaren arteko harremanak gaitzesteko egin duela protesta ekintza enpresaren Bilboko egoitzan. Turkiak Kurdistanen kontrako erasoaldia hasi zuen urriaren 9an, Siria iparraldean segurtasun eremu bat sortu nahi zuela argudiatuta. Hilaren 17an, bost eguneko su-etena adostu zuten Turkiak eta AEBek. Su-etena amaitu behar zen egunean, Rojavan "segurtasun eremu bat" osatzea onartu zion Errusiak Turkiari.
Acción directa feminista en Iberdrola,Bilbo,en solidaridad con las mujeres de Rojava y contra la invasión turca
— Elkartasuna Kurdistango Emakumeekin (@EEmakumeekin) October 30, 2019
No a la colaboración de Iberdrola con Turkia#WomenDefendRojava#riseup4rojava#DefendRojava@starrcongress@anf_espanolpic.twitter.com/NjMZJXrphN
