Sindikatuek deituta, emakumeek lan munduan jasaten duten diskriminazioa salatu dute milaka pertsonek gaur Bilbon. Gizon eta emakumeen arteko berdintasuna aldarrikatu dute eta hainbat enpresetan emakume langileek bizi duten egoera "eskasa" salatu dute. Igandean ospatuko den Emakume Langileen Nazioarteko egunaren karietara egin dituzte ekitaldi horiek.
ELA sindikatuak Geure buruaren jabe lelopean manifestazioa egin du goizean. LABek eta UGTk elkarretaratzeak egin dituzte, Arriaga Antzokian eta patronalaren atari aurrean, hurrenez hurren. UGTk, berriz, sari banaketa egitea hautatatu du, eta Elvira Martinez eta Conchi Lopez sindikalistak saritu ditu, "emakumeen alde urteetan egindako lanarengatik".
Bestalde, Bilboko eta Gasteizko Udalek berdintasunaren aldeko adierazpenak onartu dituzte gaur.
Emakumeen Nazioarteko eguna
Emakumeek lan munduan pairatzen duten diskriminazioa salatu dute sindikatuek Bilbon
Krisialdi ekonomikoak emakumeak bereziki kaltetu dituela adierazi dute.
Iruzkinak
Ez dago iruzkinik
Ordenatu
