Emakumeen aurkako indarkeria leporatuta, bi gizon atxilotu zituen Ertzaintzak larunbatean, bat Gasteizen eta beste bat Bilbon. Gasteizen atxilotutako gizona atxilotzeko eta espetxeratzeko agindua zuten, eta emakume bati sexu erasoa egitea leporatuta atxilotu zuten. 45 urteko gizonak laban batekin egin zion mehatxu emakume bati etxe batzuen atarian, ukitzeak egiten zizkion bitartean. Oinezko batek emakumearen oihuak entzun, eta erasotzaileak ihes egin behar izan zuen.
Bestalde, 19 urteko gizon bat atxilotu zuen Ertzaintzak Bilbon, haurdun zegoen bikotekidea jotzea leporatuta. Erasoa gertatu zen etxeko bizilagunek ohartarazi zuten Ertzaintza, laguntza oihuak entzun ostean. Emakumea kalean topatu zuten ertzainek, eta ospitalera eraman zuten.
Emakumeen aurkako indarkeriagatik, bi gizon atxilotu ditu Ertzaintzak
Iruzkinak
Ez dago iruzkinik
Ordenatu
