Jaizkibel konpainiak ibilbidea egin ondoren, harrera egin diote hainbat erakundetako ordezkarik. Alarde parekideak babesle izan ditu Emakunde, Gipuzkoako Aldundia eta EAEko Arartekoa. Udalbiltzak ere babesa adierazi dio.
Gipuzkoako Batzar Nagusietako jarduneko presidentea, Eider Mendoza (EAJ), berriz, ez da joan; aurrekoetan joan izan da Lohitzune Txarola lehendakaria (Bildu), baina ez dago lanean, umea izan berri. Aitor Kerejeta Hondarribiko alkatea ez da joan, eta Eusko Jaurlaritzak ere ez du bidali beste ordezkaririk.
Martin Garitano Gipuzkoako ahaldun nagusiak pauso bat emateko eskatu dio udalari, "arazo bihurtu den jaia" parekidetasunera eramateko. Izaskun Landaida Emakundeko buruak ere uste du udaletik lan egin behar dela.
